Poems, by Andrew Marvell

In Legationem Domini Oliveri St. John ad Provincias Foederatas

Ingeniosa Viris contingunt Nomina magnis,

Ut dubites Casu vel Ratione data.

Nam Sors, caeca licet, tamen est praesaga futuri;

Et sub fatidico Nomine vera premit.

Et Tu, cui soli voluit Respublica credi,

Foedera seu Belgis seu nova Bella feras;

Haud frustra cecidit tibi Compellatio fallax,

Ast scriptum ancipiti Nomine Munus erat;

Scilicet hoc Martis, sed Pacis Nuntius illo:

Clavibus his Jani ferrea Claustra regis.

Non opus Arcanos Chartis committere Sensus,

Et varia licitos condere Fraude Dolos.

Tu quoque si taceas tamen est Legatio Nomen.

Et velut in Scytale publica verba refert.

Vultis Oliverum, Batavi, Sanctumve Johannem?

Antiochus gyro non breviore stetit.

Oliver St. John (1598-1675) was Chief Justice under the Commonwealth, and was thus called Lord St. John. In March, 1651, he was sent to negotiate the proposed coalition between England and the United Provinces of Holland (Foss's Judges of England).

http://ebooks.adelaide.edu.au/m/marvell/andrew/poems/poem45.html

Last updated Friday, March 7, 2014 at 23:09