Robertus Comes Leicestrię, baro de Denbigh, ordinum Garterij et Sancti Michaelis eques auratus, Serenissimę Reginę Anglię a Secretioribus consilijs, et magister equorum, dux et capitaneus generalis exercitus eiusdem Regię maiestatis in Belgio, et gubernator generalis Hollandię, Zelandię, et prouinciarum vnitarum et associatarum, omnibus, ad quos pręsentes literę peruenerint, salutem. Cłm lator pręsentium Thomas Foster nobilis Anglus necessarijs de causis hinc Constantinopolim profecturus sit, et inde ad nos quanta potest celeritate reuersurus: petimus ab omnibus et singulis Regibus, principibus, nobilibus, magistratibus, et alijs, mandent et permittant dicto Thomę cum duobus famulis liberum transitum per eorum ditiones et territoria sine detentione aut impedimento iniusto, et prouideri sibi de necessarijs iustum precium reddenti, ac aliter conuenienter et humaniter tractari, vt occasiones eius eundi et redeundi requirent: Sicut nos Maiestates, Serenitates, Celsitudines, et dominationes vestrę paratos inuenietis, vt vestratibus in similibus casibus gratum similiter faciamus.
Datum in castris nostris Duisburgi, decimo die Septembris, anno 1586. stylo veteri.
Last updated on Tue Nov 14 14:51:07 2006 for eBooks@Adelaide.