The Canterbury Tales, by Geoffrey Chaucer

The Milleres Tale.

Here biginneth the Millere his tale.

Whylom ther was dwellinge at Oxenford

A riche gnof, that gestes heeld to bord,

And of his craft he was a Carpenter.

3190

With him ther was dwellinge a povre scoler,

Had lerned art, but al his fantasye

Was turned for to lerne astrologye,

And coude a certeyn of conclusiouns

To demen by interrogaciouns,

3195

If that men axed him in certein houres,

(10)

Whan that men sholde have droghte or elles shoures,

Or if men axed him what sholde bifalle

Of every thing, I may nat rekene hem alle.

3187. Cm. Pt. in (for at).   3190. Cm. Pt. Hl. pore; E. Hn. poure (= povre); Cp. Ln. pouer (= pover).   3195, 7. E. asked; rest axed.

 This clerk was cleped hende Nicholas;

3200

Of derne love he coude and of solas;

And ther-to be was sleigh and ful privee,

And lyk a mayden meke for to see.

A chambre hadde he in that hostelrye

Allone, with-outen any companye,

3205

Ful fetisly y-dight with herbes swote;

(20)

And he him-self as swete as is the rote

Of licorys, or any cetewale.

His Almageste and bokes grete and smale,

His astrelabie, longinge for his art,

3210

His augrim-stones layen faire a-part

On shelves couched at his beddes heed:

His presse y-covered with a falding reed.

And al above ther lay a gay sautrye,

On which he made a nightes melodye

3215

So swetely, that al the chambre rong;

(30)

And Angelus ad virginem he song;

And after that he song the kinges note;

Ful often blessed was his mery throte.

And thus this swete clerk his tyme spente

3220

After his freendes finding and his rente.

3218. Cm. Pt. Ln. Hl. mery; E. myrie.

 This Carpenter had wedded newe a wyf

Which that he lovede more than his lyf;

Of eightetene yeer she was of age.

Ialous he was, and heeld hir narwe in cage,

3225

For she was wilde and yong, and he was old

(40)

And demed him-self ben lyk a cokewold.

He knew nat Catoun, for his wit was rude,

That bad man sholde wedde his similitude.

Men sholde wedden after hir estaat,

3230

For youthe and elde is often at debaat.

But sith that he was fallen in the snare,

He moste endure, as other folk, his care.

3223. Hl. eyghteteene; rest xviij.   3225. E. yong and wylde.   3230. Cm. Hl. ben; rest is.

 Fair was this yonge wyf, and ther-with-al

As any wesele hir body gent and smal.

3235

A ceynt she werede barred al of silk,

(50)

A barmclooth eek as whyt as morne milk

Up-on hir lendes, ful of many a gore.

Whyt was hir smok, and brouded al bifore

And eek bihinde, on hir coler aboute,

3240

Of col-blak silk, with-inne and eek with-oute.

The tapes of hir whyte voluper

Were of the same suyte of hir coler;

Hir filet brood of silk, and set ful hye:

And sikerly she hadde a likerous yë.

3245

Ful smale y-pulled were hir browes two,

(60)

And tho were bent, and blake as any sloo.

She was ful more blisful on to see

Than is the newe pere-ionette tree;

And softer than the wolle is of a wether.

3250

And by hir girdel heeng a purs of lether

Tasseld with silk, and perled with latoun.

In al this world, to seken up and doun,

There nis no man so wys, that coude thenche

So gay a popelote, or swich a wenche.

3255

Ful brighter was the shyning of hir hewe

(70)

Than in the tour the noble y-forged newe.

But of hir song, it was as loude and yerne

As any swalwe sittinge on a berne.

Ther-to she coude skippe and make game,

3260

As any kide or calf folwinge his dame.

Hir mouth was swete as bragot or the meeth,

Or hord of apples leyd in hey or heeth.

Winsinge she was, as is a Ioly colt,

Long as a mast, and upright as a bolt.

3265

A brooch she baar up-on hir lowe coler,

(80)

As brood as is the bos of a bocler.

Hir shoes were laced on hir legges hye;

She was a prymerole, a pigges-nye

For any lord to leggen in his bedde,

3270

Or yet for any good yeman to wedde.

3235. E. y-barred; rest barred.   3236. Hl. eek; rest om.   3238. Cp. brouded; Hl. browdid; Cm. I-brouded; E. Hn. broyden.   3251. E. Hn. Tasseled; Ln. Tassilde; Hl. Cp. Tassid.    E. grene; rest silk.   3253. E. nas; Hn. Pt. Hl. nys; Cm. Cp. Ln. is.   3261. Cm. Pt. Cp. Ln. braket.   3265. Cm. lowe; rest loue.   3266. Cp. bocler; Hl. bocleer; rest bokeler.

 Now sire, and eft sire, so bifel the cas,

That on a day this hende Nicholas

Fil with this yonge wyf to rage and pleye,

Whyl that hir housbond was at Oseneye,

3275

As clerkes ben ful subtile and ful queynte;

(90)

And prively he caughte hir by the queynte,

And seyde, ‘y-wis, but if ich have my wille,

For derne love of thee, lemman, I spille.’

And heeld hir harde by the haunche-bones,

3280

And seyde, ‘lemman, love me al at-ones,

Or I wol dyen, also god me save!’

And she sprong as a colt doth in the trave,

And with hir heed she wryed faste awey,

And seyde, ‘I wol nat kisse thee, by my fey,

3285

Why, lat be,’ quod she, ‘lat be, Nicholas,

(100)

Or I wol crye out "harrow" and "allas."

Do wey your handes for your curteisye!’

3283. Cm. wrythed.   3285. Pt. she; Cm. Hl. sche; Ln. iche; rest ich.

 This Nicholas gan mercy for to crye,

And spak so faire, and profred hir so faste,

3290

That she hir love him graunted atte laste,

And swoor hir ooth, by seint Thomas of Kent,

That she wol been at his comandement,

Whan that she may hir leyser wel espye.

‘Myn housbond is so ful of Ialousye,

3295

That but ye wayte wel and been privee,

(110)

I woot right wel I nam but deed,’ quod she.

‘Ye moste been ful derne, as in this cas.’

 ‘Nay ther-of care thee noght,’ quod Nicholas,

‘A clerk had litherly biset his whyle,

3300

But-if he coude a Carpenter bigyle.’

And thus they been acorded and y-sworn

To wayte a tyme, as I have told biforn.

Whan Nicholas had doon thus everydeel,

And thakked hir aboute the lendes weel,

3305

He kist hir swete, and taketh his sautrye,

(120)

And pleyeth faste, and maketh melodye.

3289. E. hir; rest him.

 Than fil it thus, that to the parish-chirche,

Cristes owne werkes for to wirche,

This gode wyf wente on an haliday;

3310

Hir forheed shoon as bright as any day,

So was it wasshen whan she leet hir werk.

 Now was ther of that chirche a parish-clerk,

The which that was y-cleped Absolon.

Crul was his heer, and as the gold it shoon,

3315

And strouted as a fanne large and brode;

(130)

Ful streight and even lay his Ioly shode.

His rode was reed, his eyen greye as goos;

With Powles window corven on his shoos,

In hoses rede he wente fetisly.

3320

Y-clad he was ful smal and proprely,

Al in a kirtel of a light wachet;

Ful faire and thikke been the poyntes set.

And ther-up-on he hadde a gay surplys

As whyt as is the blosme up-on the rys.

3325

A mery child he was, so god me save,

(140)

Wel coude he laten blood and clippe and shave,

And make a chartre of lond or acquitaunce.

In twenty manere coude he trippe and daunce

After the scole of Oxenforde tho,

3330

And with his legges casten to and fro,

And pleyen songes on a small rubible;

Ther-to he song som-tyme a loud quinible;

And as wel coude he pleye on his giterne.

In al the toun nas brewhous ne taverne

3335

That he ne visited with his solas,

(150)

Ther any gaylard tappestere was.

But sooth to seyn, he was somdel squaymous

Of farting, and of speche daungerous.

3319. Cm. hosyn; Pt. hosen; rest hoses.   3321. Hl. fyn (for light).    Hl. Ln. wachet; Cm. vachet; rest waget.   3325. E. myrie; Hn. murye.   3327. E. Hn. maken.   3329. E. Hn. Oxenford; Cm. Oxenforthe; rest Oxenforde.   3333. E. his; rest a.

 This Absolon, that Iolif was and gay,

3340

Gooth with a sencer on the haliday,

Sensinge the wyves of the parish faste;

And many a lovely look on hem he caste,

And namely on this carpenteres wyf.

To loke on hir him thoughte a mery lyf,

3345

She was so propre and swete and likerous.

(160)

I dar wel seyn, if she had been a mous,

And he a cat, he wolde hir hente anon.

3344. E. myrie; Hn. murye.   3347. E. Hl. wold; rest wolde.

 This parish-clerk, this Ioly Absolon,

Hath in his herte swich a love-longinge,

3350

That of no wyf ne took he noon offringe;

For curteisye, he seyde, he wolde noon.

The mone, whan it was night, ful brighte shoon,

And Absolon his giterne hath y-take,

For paramours, he thoghte for to wake.

3353

And forth he gooth, Iolif and amorous,

(170)

Til he cam to the carpenteres hous

A litel after cokkes hadde y-crowe;

And dressed him up by a shot-windowe

That was up-on the carpenteres wal.

3360

He singeth in his vois gentil and smal,

‘Now, dere lady, if thy wille be,

I preye yow that ye wol rewe on me,’

Ful wel acordaunt to his giterninge.

This carpenter awook, and herde him singe,

3365

And spak un-to his wyf, and seyde anon,

(180)

‘What! Alison! herestow nat Absolon

That chaunteth thus under our boures wal?’

And she answerde hir housbond ther-with-al,

‘Yis, god wot, Iohn, I here it every-del.’

3350. Hn. Hl. ne; rest om.   3362. Cm. preye; Hl. praye; Ln. preie; E. Hn. Cp. Pt. pray.   E. wole; Cm. wele; Hn. Hl. wol; rest wil.   E. thynke; rest rewe.   3364. E. om. him.

3370

 This passeth forth; what wol ye bet than wel?

Fro day to day this Ioly Absolon

So woweth hir, that him is wo bigon.

He waketh al the night and al the day;

He kempte hise lokkes brode, and made him gay;

3375

He woweth hir by menes and brocage,

(190)

And swoor he wolde been hir owne page;

He singeth, brokkinge as a nightingale;

He sente hir piment, meeth, and spyced ale,

And wafres, pyping hote out of the glede;

3380

And for she was of toune, he profred mede.

For som folk wol ben wonnen for richesse,

And som for strokes, and som for gentillesse.

3371. E. repeats to day.   3374. Cm. kempte; Hn. Ln. kembed; Cp. kembede; E. Pt. kembeth.   3379. Cm. Pt. Ln. hote; E. Hn. Cp. hoot.   3380. E. profreth.

 Somtyme, to shewe his lightnesse and maistrye,

He pleyeth Herodes on a scaffold hye.

3385

But what availleth him as in this cas?

(200)

She loveth so this hende Nicholas,

That Absolon may blowe the bukkes horn;

He ne hadde for his labour but a scorn;

And thus she maketh Absolon hir ape,

3390

And al his ernest turneth til a Iape.

Ful sooth is this proverbe, it is no lye,

Men seyn right thus, ‘alwey the nye slye

Maketh the ferre leve to be looth.'

For though that Absolon be wood or wrooth,

3395

By-cause that he fer was from hir sighte,

(210)

This nye Nicholas stood in his lighte.

3384. Hl. Herodz; Ln. Heraude; rest Herodes, Heraudes.   Hl. on; rest vp on.   3390. Hl. Pt. to; rest til.

 Now bere thee wel, thou hende Nicholas!

For Absolon may waille and singe ‘allas.’

And so bifel it on a Saterday,

3400

This carpenter was goon til Osenay;

And hende Nicholas and Alisoun

Acorded been to this conclusioun,

That Nicholas shal shapen him a wyle

This sely Ialous housbond to bigyle;

3405

And if so be the game wente aright,

(220)

She sholde slepen in his arm al night,

For this was his desyr and hir also.

And right anon, with-outen wordes mo,

This Nicholas no lenger wolde tarie,

3410

But doth ful softe un-to his chambre carie

Bothe mete and drinke for a day or tweye,

And to hir housbonde bad hir for to seye,

If that he axed after Nicholas,

She sholde seye she niste where he was,

3415

Of al that day she saugh him nat with yë;

(230)

She trowed that he was in maladye,

For, for no cry, hir mayde coude him calle;

He nolde answere, for no-thing that mighte falle.

3415. Cm. Pt. ye; Hl. Iye; rest eye.   3418. Hn. Cm. Cp. Ln. no thyng; Pt. Hl. nought; E. thyng.   Pt. Hl. may bifalle. (Read mighte as might’).

 This passeth forth al thilke Saterday,

3420

That Nicholas stille in his chambre lay,

And eet and sleep, or dide what him leste,

Til Sonday, that the sonne gooth to reste.

 This sely carpenter hath greet merveyle

Of Nicholas, or what thing mighte him eyle,

3425

And seyde, ‘I am adrad, by seint Thomas,

(240)

It stondeth nat aright with Nicholas.

God shilde that he deyde sodeynly!

This world is now ful tikel, sikerly;

I saugh to-day a cors y-born to chirche

3430

That now, on Monday last, I saugh him wirche.

 Go up,’ quod he un-to his knave anoon,

‘Clepe at his dore, or knokke with a stoon,

Loke how it is, and tel me boldely.’

 This knave gooth him up ful sturdily,

3435

And at the chambre-dore, whyl that he stood,

(250)

He cryde and knokked as that he were wood:—

‘What! how! what do ye, maister Nicholay?

How may ye slepen al the longe day?’

 But al for noght, he herde nat a word;

3440

An hole he fond, ful lowe up-on a bord,

Ther as the cat was wont in for to crepe;

And at that hole he looked in ful depe,

And at the laste he hadde of him a sighte.

This Nicholas sat gaping ever up-righte,

3445

As he had kyked on the newe mone.

(260)

Adoun he gooth, and tolde his maister sone

In what array he saugh this ilke man.

3440. E. Hn. foond; Pt. foonde.   3444. E. Hn. Cp. capyng.   3445. Cp. Ln. keked; Hl. loked.   3447. E. Pt. that; rest this.

 This carpenter to blessen him bigan,

And seyde, ‘help us, seinte Frideswyde!

3450

A man woot litel what him shal bityde.

This man is falle, with his astromye,

In som woodnesse or in som agonye;

I thoghte ay wel how that it sholde be!

Men sholde nat knowe of goddes privetee.

3455

Ye, blessed be alwey a lewed man,

(270)

That noght but oonly his bileve can!

So ferde another clerk with astromye;

He walked in the feeldes for to prye

Up-on the sterres, what ther sholde bifalle,

3460

Til he was in a marle-pit y-falle;

He saugh nat that. But yet, by seint Thomas,

Me reweth sore of hende Nicholas.

He shal be rated of his studying,

If that I may, by Iesus, hevene king!

3451. E. Hn. Astromye; Ln. Arstromye; rest astronomye; but Astromye is meant; see l. 3457.   3457. So E. Hn.; rest astronomye.   3460. E. -put.

3465

 Get me a staf, that I may underspore,

(280)

Whyl that thou, Robin, hevest up the dore.

He shal out of his studying, as I gesse’—

And to the chambre-dore he gan him dresse.

His knave was a strong carl for the nones,

3470

And by the haspe he haf it up atones;

In-to the floor the dore fil anon.

This Nicholas sat ay as stille as stoon,

And ever gaped upward in-to the eir.

This carpenter wende he were in despeir,

3475

And hente him by the sholdres mightily,

(290)

And shook him harde, and cryde spitously,

‘What! Nicholay! what, how! what! loke adoun!

Awake, and thenk on Cristes passioun;

I crouche thee from elves and fro wightes!’

3480

Ther-with the night-spel seyde he anon-rightes

On foure halves of the hous aboute,

And on the threshfold of the dore with-oute:—

‘Iesu Crist, and seynt Benedight,

Blesse this hous from every wikked wight,

3485

For nightes verye, the white pater-noster!

(300)

Where wentestow, seynt Petres soster?’

3466. E. of; rest vp, vpe.   3470. Cm. Hl. haf; E. Hn. haaf; Cp. heef.   Hn. Pt. Ln. Hl. vp; rest of.   3473. E. Hn. caped; Hl. capyd; Cp. capede; rest gaped, gapede.   3477. Hl. man (for 3rd what); rest om.   3485. All but E. Hl. For the nyghtes.   E. Hn. uerye; Cm. verie; Cp. Pt. verye; Ln. very; Hl. verray.   3486. Cm. wonyst þou; Hl. wonestow; after which Cm. Hl. ins. now.

 And atte laste this hende Nicholas

Gan for to syke sore, and seyde, ‘allas!

Shal al the world be lost eftsones now?’

3487. Hl. om. this.   3489. E. this; rest the.

3490

 This carpenter answerde, ‘what seystow?

What! thenk on god, as we don, men that swinke.’

3491. Hn. Pt. Hl. thenk; rest thynk; see 3478. Cm. as men don whan they swinke.

 This Nicholas answerde, ‘fecche me drinke;

And after wol I speke in privetee

Of certeyn thing that toucheth me and thee;

3495

I wol telle it non other man, certeyn.’

(310)

 This carpenter goth doun, and comth ageyn,

And broghte of mighty ale a large quart;

And whan that ech of hem had dronke his part,

This Nicholas his dore faste shette,

3500

And doun the carpenter by him he sette.

 He seyde, ‘Iohn, myn hoste lief and dere,

Thou shall up-on thy trouthe swere me here,

That to no wight thou shalt this conseil wreye;

For it is Cristes conseil that I seye,

3505

And if thou telle it man, thou are forlore;

(320)

For this vengaunce thou shalt han therfore,

That if thou wreye me, thou shalt be wood!’

‘Nay, Crist forbede it, for his holy blood!’

Quod tho this sely man, ‘I nam no labbe,

3510

Ne, though I seye, I nam nat lief to gabbe.

Sey what thou wolt, I shal it never telle

To child ne wyf, by him that harwed helle!’

3501. Cp. Pt. hooste; Ln. ostee; Hl. host ful; E. Hn. hoost; Cm. ost.   3505. E. om. it.   3510. E. Hl. am; rest nam, ne am.

 ‘Now John,’ quod Nicholas, ‘I wol nat lye;

I have y-founde in myn astrologye,

3515

As I have loked in the mone bright,

(330)

That now, a Monday next, at quarter-night,

Shal falle a reyn and that so wilde and wood,

That half so greet was never Noës flood.

This world,’ he seyde, ‘in lasse than in an hour

3520

Shal al be dreynt, so hidous is the shour;

Thus shal mankynde drenche and lese hir lyf.’

3516. a] Hl. on.   3519. Cm. Hl. om. 2nd in.

 This carpenter answerde, ‘allas, my wyf!

And shal she drenche? allas! myn Alisoun!’

For sorwe of this he fil almost adoun,

3525

And seyde, ‘is ther no remedie in this cas?’

3525. Pt. Ln. om. ther.

(340)

 ‘Why, yis, for gode,’ quod hende Nicholas,

‘If thou wolt werken after lore and reed;

Thou mayst nat werken after thyn owene heed.

For thus seith Salomon, that was ful trewe,

3530

“Werk al by conseil, and thou shalt nat rewe.”

And if thou werken wolt by good conseil,

I undertake, with-outen mast and seyl,

Yet shal I saven hir and thee and me

Hastow nat herd how saved was Noë,

3535

Whan that our lord had warned him biforn

(350)

That al the world with water sholde be lorn?’

3527. E. aftir.   3534. E. hou.   3535. Hl. had; E. Hn. Cm. hadde.

 ‘Yis,’ quod this carpenter, ‘ful yore ago.’

 ‘Hastow nat herd,’ quod Nicholas, ‘also

The sorwe of Noë with his felawshipe,

3540

Er that he mighte gete his wyf to shipe?

Him had be lever, I dar wel undertake,

At thilke tyme, than alle hise wetheres blake,

That she hadde had a ship hir-self allone.

And ther-fore, wostou what is best to done?

3545

This asketh haste, and of an hastif thing

(360)

Men may nat preche or maken tarying.

3539. E. felaweshipe.   3540. E. brynge; rest gete.   3541. E. hadde; leuere.   3544. E. woostou; doone.

 Anon go gete us faste in-to this in

A kneding-trogh, or elles a kimelin,

For ech of us, but loke that they be large,

3550

In whiche we mowe swimme as in a barge,

And han ther-inne vitaille suffisant

But for a day; fy on the remenant!

The water shal aslake and goon away

Aboute pryme up-on the nexte day.

3555

But Robin may nat wite of this, thy knave,

(370)

Ne eek thy mayde Gille I may nat save;

Axe nat why, for though thou aske me,

I wol nat tellen goddes privetee.

Suffiseth thee, but if thy wittes madde,

3560

To han as greet a grace as Noë hadde.

Thy wyf shal I wel saven, out of doute,

Go now thy wey, and speed thee heer-aboute.

3548. E. ellis.   E. kymelyn; Hl. kemelyn.

 But whan thou hast, for hir and thee and me,

Y-geten us thise kneding-tubbes three,

3565

Than shaltow hange hem in the roof ful hye,

(380)

That no man of our purveyaunce spye.

And whan thou thus hast doon as I have seyd,

And hast our vitaille faire in hem y-leyd,

And eek an ax, to smyte the corde atwo

3570

When that the water comth, that we may go,

And broke an hole an heigh, up-on the gable,

Unto the gardin-ward, over the stable,

That we may frely passen forth our way

Whan that the grete shour is goon away —

3575

Than shaltow swimme as myrie, I undertake,

(390)

As doth the whyte doke after hir drake.

Than wol I clepe, “how! Alison! how! John!

Be myrie, for the flood wol passe anon.”

And thou wolt seyn, “hayl, maister Nicholay!

3580

Good morwe, I se thee wel, for it is day.”

And than shul we be lordes al our lyf

Of al the world, as Noë and his wyf.

3565: E. Thanne.   3571. E. Pt. Ln. broke; rest breke.   3575. E. Thanne.    E. shal I; rest shaltow, shalt thou.   3577. E. Thanne.

 But of o thyng I warne thee ful right,

Be wel avysed, on that ilke night

3585

That we ben entred in-to shippes bord,

(400)

That noon of us ne speke nat a word,

Ne clepe, ne crye, but been in his preyere;

For it is goddes owne heste dere.

3588. E. heeste.

 Thy wyf and thou mote hange fer a-twinne,

3590

For that bitwixe yow shal be no sinne

No more in looking than ther shal in dede;

This ordinance is seyd, go, god thee spede!

Tomorwe at night, whan men ben alle aslepe,

In-to our kneding-tubbes wol we crepe,

3595

And sitten ther, abyding goddes grace.

(410)

Go now thy wey, I have no lenger space

To make of this no lenger sermoning.

Men seyn thus, “send the wyse, and sey no-thing;”

Thou art so wys, it nedeth thee nat teche;

3600

Go, save our lyf, and that I thee biseche.’

3591. E. Hn. Na.   3592. E. Pt. Hl. so; rest go.   3593. E. folk; Cm. we; rest men.   3598. E. sende.   3599. E. to preche; Cp. to teche; rest teche.

 This sely carpenter goth forth his wey.

Ful ofte he seith ‘allas’ and ‘weylawey,’

And to his wyf he tolde his privetee;

And she was war, and knew it bet than he,

3605

What al this queynte cast was for to seye.

(420)

But nathelees she ferde as she wolde deye,

And seyde, 'allas! go forth thy wey anon,

Help us to scape, or we ben lost echon;

I am thy trewe verray wedded wyf;

3610

Go, dere spouse, and help to save our lyf.’

3608. Cm. er (for or).   E. lost; rest dede, deede, ded.   3609. Cm. Hl. verray trewe.

 Lo! which a greet thyng is affeccioun!

Men may dye of imaginacioun,

So depe may impressioun be take.

This sely carpenter biginneth quake;

3615

Him thinketh verraily that he may see

(430)

Noës flood come walwing as the see

To drenchen Alisoun, his hony dere.

He wepeth, weyleth, maketh sory chere,

He syketh with ful many a sory swogh.

3620

He gooth and geteth him a kneding-trogh,

And after that a tubbe and a kimelin,

And prively he sente hem to his in,

And heng hem in the roof in privetee.

His owne hand he made laddres three,

3625

To climben by the ronges and the stalkes

(440)

Un-to the tubbes hanginge in the balkes,

And hem vitailled, bothe trogh and tubbe,

With breed and chese, and good ale in a Iubbe,

Suffysinge right y-nogh as for a day.

3630

But er that he had maad al this array,

He sente his knave, and eek his wenche also,

Up-on his nede to London for to go.

And on the Monday, whan it drow to night,

He shette his dore with-oute candel-light,

3635

And dressed al thing as it sholde be.

(450)

And shortly, up they clomben alle three;

They sitten stille wel a furlong-way.

3611. E. Auctor (in margin).   3612. Hl. A man.   E. Hn. dyen. Pt. Hl. for;    Cm. thour; rest of.   3624. E. om. he; Hl. has þan.   3626. E. In-to; Cm. Onto; rest Vnto.   3627. E. vitailleth.   3630. E. hadde.   3635. E. dresseth; rest dressed. E. Hn. Cm. alle.    Hn. Cp. scholde; E. shal.

 ‘Now, Pater-noster, clom!’ seyde Nicholay,

And ‘clom,’ quod John, and ‘clom,’ seyde Alisoun.

3640

This carpenter seyde his devocioun,

And stille he sit, and biddeth his preyere,

Awaytinge on the reyn, if he it here.

 The dede sleep, for wery bisinesse,

Fil on this carpenter right, as I gesse,

3645

Aboute corfew-tyme, or litel more;

(460)

For travail of his goost he groneth sore,

And eft he routeth, for his heed mislay.

Doun of the laddre stalketh Nicholay,

And Alisoun, ful softe adoun she spedde;

3650

With-outen wordes mo, they goon to bedde

Ther-as the carpenter is wont to lye.

Ther was the revel and the melodye;

And thus lyth Alison and Nicholas,

In bisinesse of mirthe and of solas,

3655

Til that the belle of laudes gan to ringe,

(470)

And freres in the chauncel gonne singe.

3643. Cm. Hl. verray; rest wery.

 This parish-clerk, this amorous Absolon,

That is for love alwey so wo bigon,

Up-on the Monday was at Oseneye

3660

With companye, him to disporte and pleye,

And axed up-on cas a cloisterer

Ful prively after Iohn the carpenter;

And he drough him a-part out of the chirche,

And seyde, ‘I noot, I saugh him here nat wirche

3665

Sin Saterday; I trow that he be went

(480)

For timber, ther our abbot hath him sent;

For he is wont for timber for to go,

And dwellen at the grange a day or two;

Or elles he is at his hous, certeyn;

3670

Wher that he be, I can nat sothly seyn.’

3660. E. With a compaignye.   3661. E. Cloistrer; Pt. Ln. Cloystrere.

 This Absolon ful Ioly was and light,

And thoghte, ‘now is tyme wake al night;

For sikirly I saugh him nat stiringe

Aboute his dore sin day bigan to springe.

3675

So moot I thryve, I shal, at cokkes crowe,

(490)

Ful prively knokken at his windowe

That stant ful lowe up-on his boures wal.

To Alison now wol I tellen al

My love-longing, for yet I shal nat misse

3680

That at the leste wey I shal hir kisse.

Som maner confort shal I have, parfay,

My mouth hath icched al this longe day;

That is a signe of kissing atte leste.

Al night me mette eek, I was at a feste.

3685

Therfor I wol gon slepe an houre or tweye,

(500)

And al the night than wol I wake and pleye.’

3672. E. Hl. wake; Cm. to wakyn; rest to wake.   3676. Hn. Cp. Pt. Ln. knokken; E. Cm. knokke; Hl. go knokke.

 Whan that the firste cok hath crowe, anon

Up rist this Ioly lover Absolon,

And him arrayeth gay, at point-devys.

3690

But first he cheweth greyn and lycorys,

To smellen swete, er he had kembd his heer.

Under his tonge a trewe love he beer,

For ther-by wende he to ben gracious.

He rometh to the carpenteres hous,

3695

And stille he stant under the shot-windowe;

(510)

Un-to his brest it raughte, it was so lowe;

And softe he cogheth with a semi-soun —

‘What do ye, hony-comb, swete Alisoun?

My faire brid, my swete cinamome,

3700

Awaketh, lemman myn, and speketh to me!

Wel litel thenken ye up-on my wo,

That for your love I swete ther I go.

No wonder is thogh that I swelte and swete;

I moorne as doth a lamb after the tete.

3705

Y-wis, lemman, I have swich love-longinge,

(520)

That lyk a turtel trewe is my moorninge;

I may nat ete na more than a mayde.’

3690. E. of; rest and.   3696. E. brist.   3697. Hn. cogheth; Cp. coughed; Hl. cowhith; Pt. kougheþ; Cm. coude; E. knokketh.   3701. Cp. Pt. thenken; rest thynken, thynke.

 ‘Go fro the window, Iakke fool,’ she sayde,

‘As help me god, it wol nat be “com ba me,”

3710

I love another, and elles I were to blame,

Wel bet than thee, by Iesu, Absolon!

Go forth thy wey, or I wol caste a ston,

And lat me slepe, a twenty devel wey!'

3709. E. Hn. com pa me; Cp. com pame; Cm. cumpame; Pt. compame; Hl. Ln. compaine; several Mss. come bame, combame; see note.

 ‘Allas,’ quod Absolon, ‘and weylawey!

3715

That trewe love was ever so yvel biset!

(530)

Than kisse me, sin it may be no bet,

For Iesus love and for the love of me.’

3716. Cp. Pt. Ln. kisse; Hl. kisseth; rest kys.

 ‘Wiltow than go thy wey ther-with?’ quod she.

3718. E. om. ther-with.

 ‘Ye, certes, lemman,’ quod this Absolon.

3720

 ‘Thanne make thee redy,’ quod she, ‘I come anon;’

[T. om.

And un-to Nicholas she seyde stille,

[T. om.

‘Now hust, and thou shall laughen al thy fille.’

3721, 2. These 2 lines in E. only.

 This Absolon doun sette him on his knees,

And seyde, ‘I am a lord at alle degrees;

3725

For after this I hope ther cometh more!

(540)

Lemman, thy grace, and swete brid, thyn ore!’

3724. E. om. a.

 The window she undoth, and that in haste,

‘Have do,’ quod she, ‘com of, and speed thee faste,

Lest that our neighebores thee espye.’

3728. Cm. don; Hl. doon; Pt. doo; rest do.   Hn. thee; rest the.

3730

 This Absolon gan wype his mouth ful drye;

Derk was the night as pich, or as the cole,

And at the window out she putte hir hole,

And Absolon, him fil no bet ne wers,

But with his mouth he kiste hir naked ers

3735

Ful savourly, er he was war of this.

3731. E. Dirk.   3732. E. pitte.

(550)

 Abak he sterte, and thoghte it was amis,

For wel he wiste a womman hath no berd;

He felte a thing al rough and long y-herd,

And seyde, ‘fy! allas! what have I do?’

3736. E. Cm. stirte.

3740

 ‘Tehee!’ quod she, and clapte the window to;

And Absolon goth forth a sory pas.

 ‘A berd, a berd!’ quod hende Nicholas,

‘By goddes corpus, this goth faire and weel!’

 This sely Absolon herde every deel,

3745

And on his lippe he gan for anger byte;

(560)

And to him-self he seyde, ‘I shal thee quyte!’

3743, 4. E. weel, deel; Ln. wele, dele; rest wel, del.

 Who rubbeth now, who froteth now his lippes

With dust, with sond, with straw, with clooth, with chippes,

But Absolon, that seith ful ofte, ‘allas!

3750

My soule bitake I un-to Sathanas,

But me wer lever than al this toun,’ quod he,

‘Of this despyt awroken for to be!

Allas!’ quod he, ‘allas! I ne hadde y-bleynt!’

His hote love was cold and al y-queynt;

3755

For fro that tyme that he had kiste hir ers,

(570)

Of paramours he sette nat a kers,

For he was heled of his maladye;

Ful ofte paramours he gan deffye,

And weep as dooth a child that is y-bete.

3760

A softe paas he wente over the strete

Un-til a smith men cleped daun Gerveys,

That in his forge smithed plough-harneys;

He sharpeth shaar and culter bisily.

This Absolon knokketh al esily,

3765

And seyde, ‘undo, Gerveys, and that anon.’

3753. Hl. nadde bleynt.   3759. Cm. wepte; Hl. wept.   3763. E. Hn. kultour; Cp. Pt. Ln. culter.

(580)

 ‘What, who artow?’ ‘It am I, Absolon.’

‘What, Absolon! for Cristes swete tree,

Why ryse ye so rathe, ey, benedicite!

What eyleth yow? som gay gerl, god it woot,

3770

Hath broght yow thus up-on the viritoot;

By sëynt Note, ye woot wel what I mene.’

3766. E. I am heere; rest it am I.   3770. E. Hn. Cp. viritoot; Pt. Vyritote; Ln. veritote; Cm. merytot; Hl. verytrot.   3771. Pt. Ln. seynt; rest seinte.    Pt. Hl. Noet.

 This Absolon ne roghte nat a bene

Of al his pley, no word agayn he yaf;

He hadde more tow on his distaf

3775

Than Gerveys knew, and seyde, ‘freend so dere,

(590)

That hote culter in the chimenee here,

As lene it me, I have ther-with to done,

And I wol bringe it thee agayn ful sone.’

3776. E. kultour.

 Gerveys answerde, ‘certes, were it gold,

3780

Or in a poke nobles alle untold,

Thou sholdest have, as I am trewe smith;

Ey, Cristes foo! what wol ye do ther-with?’

3781. Hl. Ye schul him haue.   3782. Hl. fo; rest foo; ed. 1561, fote.

 ‘Ther-of,’ quod Absolon, ‘be as be may;

I shal wel telle it thee to-morwe day’—

3785

And caughte the culter by the colde stele.

(600)

Ful softe out at the dore he gan to stele,

And wente un-to the carpenteres wal.

He cogheth first, and knokketh ther-with-al

Upon the windowe, right as he dide er.

3785. E. kultour.

3790

 This Alison answerde, ‘Who is ther

That knokketh so? I warante it a theef.’

 ‘Why, nay,’ quod he, ‘god woot, my swete leef,

I am thyn Absolon, my dereling!

Of gold,’ quod he, ‘I have thee broght a ring;

3795

My moder yaf it me, so god me save,

(610)

Ful fyn it is, and ther-to wel y-grave;

This wol I yeve thee, if thou me kisse!’

3793. E. Hn. my; Cm. myn; Hl. O my; Cp. thi; Pt. thine; Ln. þin.   E. deerelyng; Hn. Cm. Cp. derelyng.

 This Nicholas was risen for to pisse,

And thoghte he wolde amenden al the Iape,

3800

He sholde kisse his ers er that he scape.

And up the windowe dide he hastily,

And out his ers he putteth prively

Over the buttok, to the haunche-bon;

And ther-with spak this clerk, this Absolon,

3805

‘Spek, swete brid, I noot nat wher thou art.’

3800. E. om. ers.

(620)

 This Nicholas anon leet flee a fart,

As greet as it had been a thonder-dent,

That with the strook he was almost y-blent;

And he was redy with his iren hoot,

3810

And Nicholas amidde the ers he smoot.

3810. E. om. the.

 Of gooth the skin an hande-brede aboute,

The hole culter brende so his toute,

And for the smert he wende for to dye.

As he were wood, for wo he gan to crye —

3815

Help! water! water! help, for goddes herte!’

3812. E. kultour.   3813. And] Hn. That.

(630)

 This carpenter out of his slomber sterte,

And herde oon cryen ‘water’ as he were wood,

And thoghte, 'Allas! now comth Nowelis flood!'

He sit him up with-outen wordes mo,

3820

And with his ax he smoot the corde a-two,

And doun goth al; he fond neither to selle,

Ne breed ne ale, til he cam to the selle

Up-on the floor; and ther aswowne he lay.

3818. E. Hn. Nowelis; Cp. Noweles (intentionally); Cm. Newelis; Pt. Ln. Hl. noes.   3821. Hl. he goth (for goth al).   E. Hn. foond.

 Up sterte hir Alison, and Nicholay,

3835

And cryden ‘out’ and ‘harrow’ in the strete.

(640)

The neighebores, bothe smale and grete,

In ronnen, for to gauren on this man,

That yet aswowne he lay, bothe pale and wan;

For with the fal he brosten hadde his arm;

3830

But stonde he moste un-to his owne harm.

For whan he spak, he was anon bore doun

With hende Nicholas and Alisoun.

They tolden every man that he was wood,

He was agast so of ‘Nowelis flood’

3835

Thurgh fantasye, that of his vanitee

(650)

He hadde y-boght him kneding-tubbes three,

And hadde hem hanged in the roof above;

And that he preyed hem, for goddes love,

To sitten in the roof, par companye.

3828. E. Hn. he; rest om.   3831. Pt. Ln. Hl. born.   3834. E. Hn. Nowelis; Cp. Ln. the Nowels; Pt. þe Noes; Hl. Noes.   3837. E. roue; see l. 3839.   3838. E. Hn. Ln. preyde.

3840

 The folk gan laughen at his fantasye;

In-to the roof they kyken and they gape,

And turned al his harm un-to a Iape.

For what so that this carpenter answerde,

It was for noght, no man his reson herde;

3845

With othes grete he was so sworn adoun,

(660)

That he was holden wood in al the toun;

For every clerk anon-right heeld with other.

They seyde, ‘the man is wood, my leve brother;’

And every wight gan laughen of this stryf.

3841. E. Hn. Cp. cape.   3846. E. holde.   3848. E. Hn. Hl. was; rest is.   3849. E. of this; Hn. at this; rest at his.

3850

 Thus swyved was the carpenteres wyf,

For al his keping and his Ialousye;

And Absolon hath kist hir nether yë;

(667)

And Nicholas is scalded in the toute.

3854

This tale is doon, and god save al the route!

Here endeth the Millere his tale.

3850. E. this; rest the.   3852. Pt. Hl. ye; Hn. Iye; E. Ln. eye.   3853. E. Hn. the; rest his.   Colophon. So E. (with Heere); Hl. Pn. Here endeth the Millers tale; Hn. Here is ended the Millerys tale; Cp. Ln. Explicit fabula Molendinarii.

http://ebooks.adelaide.edu.au/c/chaucer/canterbury/skeat/chapter3.html

Last updated Saturday, March 1, 2014 at 20:37